20.03.25
Ուղեցույց՝ Կոտայքի և Սյունիքի մարզերում անապահովության գնահատում անցնելու նպատակով առցանց դիմում ներկայացնելու վերաբերյալ
|
Մարտի 17-ից Կոտայքի և Սյունիքի մարզերում ընտանիքների անապահովությունը գնահատվում է նոր համակարգի միջոցով։ Անապահովության գնահատում անցնելու համար դիմումներն ընդունվում են առցանց եղանակով՝ e-social.am հարթակում։ Այս նպատակով՝ անհրաժեշտ է մուտք գործել https://e-social.am/ հղմամբ, ապա «Կյանքի դժվարին իրավիճակի հաղթահարում» բաժնի «Անապահովության գնահատում և ծառայություններ» ենթաբաժին։ Մինչ դիմում ներկայացնելը՝ նախ անհրաժեշտ է գրանցվել հարթակում՝ նշելով անուն, ազգանուն, հայրանուն, հանրային ծառայությունների համարանիշ և անձնական այլ տվյալներ։ Դիմումը լրացնելիս պարտադիր է հետևել ներքոնշյալ պահանջներին՝ դիմելուց առաջ համոզվեք, որ Ձեր ընտանիքի անդամները և Դուք հաշվառված եք Ձեր փաստացի ...
Մանրամասն |
|
19.03.25
ԻՐԱԶԵԿՈՒՄ
|
Հարգելի՛ բնակիչներ. Հայաստանում ս.թ մարտի 22-ին, ժամը 20:30-21:30-ին իրականացվող աշխարհի ամենամեծ բնապահպանական «Երկրի ժամը» շարժմանը միանալու համար կոչ ենք անում միանալ այս միջազգային շարժմանը՝անջատելով համայնքի շենքերի,շինությունների և հանրային տարածքների արտաքին լուսավորությունը:
|
|
10.03.25
ՄԱՐՏԻ 8-Ը ՆՈՐ ՀԱՃԸՆ ՀԱՄԱՅՆՔՈՒՄ
|
Մարտի 8-ի՝ Կանանց միջազգային օրվա առթիվ Նոր Հաճըն համայնքում տոնական տրամադրություն էր։ Կարաբալա ծերունին շրջեց և ծաղիկներ բաժանեց համայնքում գտնվող կանանց՝ չկրկնվող օր պարգևելով նրանց։ Նոր Հաճընի համայնքապետարանի կողմից այցելություններ կազմակերպվեցին՝ շնորհավորելու հանրակրթության, նախադպրոցական ուսումնական հաստատությունների, առողջապահության և մշակույթի ոլորտների վաստակաշատ կենսաթոշակառուներին, ինչպես նաև 95 և ավելի տարիք ունեցող կանանց, ովքեր տարիներ շարունակ իրենց աշխատանքային նվիրվածությամբ և պատասխանատվությամբ ձևավորել են հանրային արժեքներ։
|
|
07.03.25
ՀԱՄԱՅՆՔԻ ՂԵԿԱՎԱՐԻ ՇՆՈՐՀԱՎՈՐԱԿԱՆ ՈՒՂԵՐՁԸ ՄԱՐՏԻ 8-Ի ԱՌԹԻՎ
|
Սիրելի՛ կանայք և աղջիկներ Սրտանց շնորհավորում եմ ձեզ Կանանց միջազգային օրվա՝ Մարտի 8-ի առթիվ։ Այս տոնը լավագույն առիթներից է ջերմ մաղթանքներ,երախտագիտության և գնահատանքի խոսքեր ուղղելու ձեզ՝ մեկ անգամ ևս արժևորելու այն մեծ դերակատարումը, որ ունեք մեր ազգի,պետության ու ընտանիքի կայացման գործում։ Ձեր շնորհիվ են պահպանվում մեր ազգային լավագույն ավանդույթները և ընտանիքների ամրությունը։ Առանձնահատուկ շնորհավորում եմ հերոսածին մայրերին ․ ուզում եմ, որ հայ կնոջ իմաստնությամբ կանգուն պահեք հայ օջախի սյունը։ Թող գարունը խորհրդանշող այս գեղեցիկ տոնը նոր շունչ,երջանկություն,սեր ու բարություն հաղորդի ձեր հոգիներին։ Եղե՛ք միշտ ուրախ,հմայիչ,գեղեցիկ ու գնահատված՝ ...
Մանրամասն |
|
06.03.25
Անհուսալի վարկեր ունեցող անձանց աջակցության ծրագրի վերաբերյալ
|
Տեսանյութը ներբեռնման է հասանելի հետևյալ հղմամբ՝ https://dropmefiles.com/aAbxi: «Անհուսալի վարկեր ունեցող անձանց աջակցության ծրագրի շրջանակում դիմումներն ընդունվում են https://e-social.am/services հարթակում։»: Հիշեցնենք, որ ծրագրից կարող են օգտվել Կենտրոնական բանկի կողմից լիցենզավորված բանկերում և վարկային կազմակերպություններում վարկային պարտավորություն ունեցող այն անձինք, որոնց ունեցած բոլոր վարկերի մայր գումարների հանրագումարը դիմելու օրվա դրությամբ փոքր է 1 մլն դրամից, և այդ վարկերը դասակարգված են անհուսալի դասով առնվազն 3 տարի: Պարտադիր պայման է ֆորմալ, այսինքն՝ գրանցված զբաղվածություն ունենալը։
|
|
|
05.03.25
Սոցիալական ծախսի փոխհատուցումից օգտվելու ընթացակարգի և քայլերի հաջորդականության վերաբերյալ
|
Նոր Հաճըն համայնքի հարգելի’ բնակիչներ. Եթե դուք վճարում եք եկամտային հարկ և ներկայացրել եք եկամուտների տարեկան հայտարարագիրը, ապա Կառավարությունը առողջապահության և/կամ կրթության համար կատարված անկանխիկ ծախսերի մինչև 100 հազար դրամ փոխհատուցման հնարավորություն է տալիս։ Այս քաղաքականությունը Կառավարության հերթական ներդրումն է քաղաքացիների առողջության պահպանման և կրթության ոլորտում։ ⬇⬇ Ստորև հարցուպատասխանի ձևաչափով ներկայացնում ենք սոցիալական ծախսի փոխհատուցումից օգտվելու ընթացակարգը և քայլերի հաջորդականությունը https://irazekum.am/event/view/223#
|
|
1 2 3 4 5 6 7 8 9 10 ... |