Ս.թ. մարտի 4-ին՝ Նոր Հաճըն համայնքապետարանում, տեղի ունեցավ Սոցիալական ներդրումների և տեղական զարգացման ծրագրի Բաղադրիչ 2-ին մասնակցության գաղափարների ընտրության ժողով, որին մասնակցեցին համայնքապետարանի աշխատակիցներ, վարչական ղեկավարներ, ավագանու անդամներ, համայնքի բնակիչներ:
Որպես հիշեցում նշենք, որ Սոցիալական ներդրումների և տեղական զարգացման ծրագրի Բաղադրիչ 2-ի նպատակն է համայնքային ենթակառուցվածքների և մատուցվող ծառայությունների բարելավումը՝ ի նպաստ համայնքի սոցիալ-տնտեսական զարգացման:
Գաղափարների ընտրության ժողովի ընթացքում Նոր Հաճըն համայնքի ղեկավարի 1-ին տեղակալ Հասմիկ Ավետիսյանը և համայնքապետարանի աշխատակազմի քարտուղարի ժամանակավոր պաշտոնակատար Արման Սմբատյանը ներկայացրեցին Նոր Հաճըն համայնքի բնակչության շրջանում նախապես կատարված գաղափարների հավաքագրման հարցումների արդյունքները:
Հարցման արդյունքների հիման վրա քննարկվեցին առավել առաջնային նշանակության գաղափարերները, մասնավորապես. ձնմաքրման և ձնահեռացման աշխատանքների համար անհրաժեշտ ավտոտրանսպորտային միջոցների, կոյուղու մաքրման համար անհրաժեշտ տեխնիկայի և ինժեներական տեխնիկայի ձեռքբերման հարցերը: