Ղեկավարվելով Հայաստանի Հանրապետության կառավարության 2011 թվականի դեկտեմբերի 29-ի N1920-Ն որոշմամբ հաստատված կարգի, հիմք ընդունելով Նոր Հաճըն համայնքի ավագանու 2024 թվականի օգոստոսի 29-ի N 78-Ա որոշմամբ հաստատված «Կոտայք-6» միկրոռեգիոնալ մակարդակի՝ համակցված տարածական պլանավորման փաստաթուղթը և հաշվի առնելով սեփականատիրոջ դիմումը, որոշում եմ․

1. Քաղաքացի Սոնա Աղասու Աղաջանյանի սեփականություն հանդիսացող 07-046- 0147-0008 կադաստրային ծածկագրի տակ գտնվող 0,0755 հա մակերեսով հողամասի /գյուղատնտեսական նպատակային նշանակության, հողատեսք՝ խաղող հողամաս/ նպատակային նշանակությունը փոխել բնակավայրերի նպատակային նշանակության բնակելի կառուցապատման հողամասի և որպես կադաստրային արժեքի տարբերության վճար սահմանել (վճարման հաշվեհամար 900115102122)՝

0,0755 հա խաղող հողամասի համար՝ 1898450 /մեկ միլիոն ութ հարյուր իննսունութ հազար չորս հարյուր հիսուն/ դրամ։

2. Հողամասի նպատակային նշանակությունը համարվում է փոխված հողամասի կադաստրային արժեքի տարբերությունը վճարելուց հետո։

3. Սույն որոշումն ուժի մեջ է մտնում ստորագրման պահից։