Զեկ. ԱՐՄԱՆ ՍՄԲԱՏՅԱՆ

Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածով, «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԸՆԴԵՐՔԻ ՄԱՍԻՆ» ՕՐԵՆՍԳՐՔՈՎ և հաշվի առնելով Նոր Գեղի համայնքում հանքարդյունաբերության բացասական հետևանքները մեղմելու անհրաժեշտությունը՝ համայնքի ավագանին որոշում է՝

1․ Ստեղծել օդի աղտոտվածության մոնիթորինգի և տվյալների կառավարման համակարգ, որը նախատեսում է՝

• Տեղադրել օդի աղտոտվածության չափիչ սարքեր հանքավայրերի շուրջ

• Ստեղծել միասնական տվյալների թվային հարթակ և ապահովել հանրային հասանելիություն

• Վերոնշյալ աշխատանքների իրականացման հետ կապված ծախսերի իրականացումը վերապահել հանքարդյունաբերողներին

2. Փոշու քանակի մեղմում և կառավարման նպատակով սահմանել՝

• Արդյունահանման և տեղափոխման փուլերում ջրի ցողման ավտոմատ համակարգերի տեղադրման պահանջ

• Ավազի կուտակման վայրերում կառուցել մետաղական (կամ այլ նյութերից պատրասված) պատնեշներ` ծածկով, քամու ազդեցությունը մեղմելու նպատակով

• Հանքանյութ տեղափոխող մեքենաների համար նախատեսված համայնքային ճանապարհների կահավորման և ասֆալտապատման պահանջ Համայնք-գործարար-պետություն համագործակցության կամ ֆինանսավորման այլ տարբերակներով։

3․ Առաջարկել համայնքի ղեկավարին հանքարդյունաբերության ոլորտում սոցիալ-տնտեսական պատասխանատվության միասնական համակարգի ներդրաման նպատակով՝

• Բոլոր շահագրգիռ կողմերի հետ քննարկել և մշակել ֆինանսական պատասխանատվության ստանձման միասնական համակարգի նախագիծ, որը կներառի նաև ազդակիր համայնքում երիտասարդական, կրթական և բնապահպանական ծրագրեր իրականացմանը վերաբերող հստակ դրույթներ և ճանապարհային քարտեզ, ինչպես նաև հանքարդյունաբերության հետևանքով քաղաքացիների կրած վնասների փոխհատուցման հստակ մեխանիզմներ և ներկայացնել ավագանու հավանությանը