Ղեկավարվելով <Տեղական ինքնակառավարման մասին> Հայաստանի Հանրապետության օրենքի 16-րդ հոդվածի 2-րդ մասի պահանջներով` Նոր Հաճն քաղաքային համայնքի ավագանին որոշում է.
1.<Նոր Հաճնի քաղաքապետարանի արվեստի դպրոց> ՀՈԱԿ-ում սովորող միակողմանի ծնողազուրկ երեխաներին ազատել ուսման վարձավճարներից, վիրավորված ազատամարտիկների, 4 և ավելի երեխա ունեցող ընտանիքների համար սահմանել ուսման վարձավճարների 50% զեղչ, միաժամանակ երկու տարբեր բաժիններում սովորող երեխաների համար սահմանել ցածր վարձավճարով բաժնի ուսման վարձի 50% զեղչ, և մեկ ընտանիքից 2 և ավելի սովորողի դեպքում երկրորդ և յուրաքանչյուր հաջորդ երեխայի համար սահմանել 50% զեղչ:
2. <Նոր Հաճնի քաղաքապետարանի արվեստի դպրոց> ՀՈԱԿ-ի տնօրենին իրավունք վերապահել մինչև 50000 դրամ գումարի սահմաններում ուսման վարձավճարի արտոնություններ սահմանելու սոցիալապես առավել անապահով ընտանիքների երեխաների համար:
3. <Նոր Հաճնի քաղաքապետարանի մանկապարտեզ> ՀՈԱԿ-ի ծնողական վճարի 50% զեղչ սահմանել 4 և ավելի երեխա ունեցող ընտանիքների և վիրավոր ազատամարտիկների երեխաների համար:
4. <Նոր Հաճնի քաղաքապետարանի մանկապարտեզ> ՀՈԱԿ-ի տնօրենին իրավունք վերապահել մինչև 200000 դրամ գումարի սահմաններում ծնողական վճարի արտոնություններ սահմանելու սոցիալապես առավել անապահով ընտանիքների երեխաների համար:
5. Հանձնարարել <Նոր Հաճնի քաղաքապետարանի մանկապարտեզ> ՀՈԱԿ-ի և <Նոր Հաճնի քաղաքապետարանի արվեստի դպրոց> ՀՈԱԿ-ի տնօրեններին կատարված զեղչերի և արտոնությունների վերաբերյալ ներկայացնել եռամսյակային հաշվետվություն:
6.Սույն որոշումը ուժի մեջ է մտնում 2015 թվականի հունվարի 1-ից:
|