Ղեկավարվելով Տեղական ինքնակառավարման մասին օրենքի 35-րդ հոդվածի 1-ին մասի 22-րդ և 24-րդ կետերի, Հայաստանի Հանրապետության Հողային օրենսգրքի 66-րդ հոդվածի 1-ին մասի 8-րդ կետի, Հայաստանի Հանրապետության կառավարության 2001 թվականի ապրիլի 12-ի N 286-Ն որոշմամբ հաստատված կարգի 6-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշմամբ, Նոր Հաճըն համայնքի ավագանու 2022 թվականի ապրիլի 27-ի թիվ 46-Ն որոշումով ՝որոշում եմ.

1. Մարտին Աշոտի Գրիգորյանին սեփականության իրավունքով պատկանող Նոր Հաճըն համայնքի, Մրգաշեն գյուղի,1-ին փողոցի, թիվ 13 հասցեի (վկայական՝ N 18092024-07-0195, ծածկագիր՝ 07-046-0045-0027) բնակավայրերի նպատակային նշանակության բնակելի կառուցապատման գործառնական նշանակության հողամասի ընդլայնման նպատակով՝ Մրգաշեն գյուղի,1-ին փողոցի, 1-ին փակուղի, թիվ 5 հասցեի (վկայական՝ N 26092024-07-0164, ծածկագիր՝ 07-046-0045-0014) բնակավայրերի նպատակային նշանակության բնակելի կառուցապատման գործառնական նշանակության, 0.02518 հա մակերեսով հողամասը ուղղակի վաճառքի ձևով օտարել վերը նշված անձին գործող կադաստրային արժեքով:

2. Ընդունել ի գիտություն, որ սույն որոշման 1-ին կետում նշված ուղղակի վաճառքով օտարվող հողամասը չի հանդիսանում Հայաստանի Հանրապետության հողային օրենսգրքի 60-րդ հոդվածով սահմանված հողամասերից, ինչպես նաև չի գտնվում ինժեներատրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները:

3. Սույն որոշման 1-ին կետի մեջ նշված անձի հետ կնքել հողամասի առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները՝ պետական գրանցման:

4. Պարտավորեցնել՝

4.1 Նոր Հաճընի համայնքապետարանի 900115102122 հաշվեհամարին վճարել հողամասի կադաստրային արժեքը՝ 727073 /յոթ հարյուր քսանյոթ հազար յոթանասուներեք/ դրամ:

5. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է սույն որոշման 1-ին կետի մեջ նշված անձի կողմից:

6. Սույն որոշումն ուժի մեջ է մտնում որոշման ընդունման մասին իրազեկելուն հաջորդող օրվանից: