Ղեկավարվելով «Համայնքի ղեկավարին կից խորհրդակցական մարմինների ձևավորման և գործունեության կարգը հաստատելու մասին» Նոր Հաճընի համայնքի ավագանու 2021 թ. դեկտեմբերի 29-ի N 47-Ա որոշման պահանջներով` առաջարկում ենք անդամակցել համայնքի ղեկավարին կից, հասարակական կարգով գործող հետևյալ խորհրդակցական մարմիններին.
1) համայնքի զարգացման հնգամյա ծրագրի և տարեկան բյուջեի կառավարման ԽՄ.
2) քաղաքաշինության, հողօգտագործման, տնտեսական ենթակառուցվածքների, կոմունալ տնտեսության, շրջակա միջավայրի պաշտպանության և տրանսպորտի հարցերի ԽՄ.
3) կրթության, մշակույթի, երիտասարդության հետ տարվող աշխատանքների, առողջապահության, սպորտի, սոցիալական (այդ թվում՝ երեխաների պաշտպանության) հարցերի ԽՄ:
Խորհրդակցական մարմի ստեղծման նպատակն է՝ ապահովել համայնքի բնակիչների, քաղաքացիական հասարակության և մասնավոր հատվածի կազմակերպությունների ներկայացուցիչների մասնակցությունը տեղական ինքնակառավարմանը:
Խորհրդակցական մարմնին անդամակցելու համար անհրաժեշտ է մինչև սույն թվականի մայիսի 27-ը դիմում ներկայացնել համայնքի ղեկավարին (դիմումի ձևը կարելի է վերցնել համայնքապետարանի աշխատակազմից) կամ առցանց լրացնել համայնքի պաշտոնական ինտերնետային կայքում տեղադրված դիմումի ձևը:
Դիմում կարող է ներկայացնել 18 տարին լրացած յուրաքանաչյուր անձ՝ ինքնառաջադրմամբ կամ որևէ կազմակերպության (խմբի) ներկայացմամբ:
Խորհրդակցական մարմնի անդամներին նշանակում է համայնքի ղեկավարը՝ այդ նպատակով նրա կողմից ձևավորված հանձնաժողովի կողմից անցկացվող հարցազրույցի արդյունքների հիման վրա:
Ակնկալում ենք Ձեր ակտիվ մասնակցությունը համայնքի ղեկավարին կից խորհրդակցական մարմինների ձևավորման և հետագա գործունեության հարցում:
|